Nairobi(SPN) Ugu yaraan hal askari oo ka tirsan ciidamada Booliska Kenya ayaa la dilay mid kalena waa la dhaawacay ka dib markii kooxo hubeysan ay xalay ku weerareen degmada Gaarisa ee gobolka Bari ciidamo Boolis ah oo sameynayey socod roondo ah.
Goob joogayaal ku sugan degmada Gaarisa ayaa sheegay in ciidamada Booliska iyo kooxaha soo weeraray ay dhexmartay tacshiirad socotay muddo daqiiqado ah taasoo laga maqlayey xaafadaha degmadaas.
Kooxaha weerarka soo qaaday ayaa markii dambe goobta ka baxsaday, iyadoo askariga ku dhaawacmay israsaaseyntaas loo qaaday isbitaalka degmada Gaarisa oo iminka lagu daweynayo.
Ciidamo ka tirsan Booliska Kenya oo aad u hubeysan ayaa soo gaaray goobta uu weerarkaas ka dhacay ee ku taala gudaha degmada Gaarisa kuwaasoo wada howlgalo baaritaan ah oo ilaa saaka socda laguna baadi goobayo kooxihii xalay weerarka soo qaaday.
Degmada Gaarisa oo ah xarunta gobolka woqooyi bari Kenya ee Soomaalidu degto ayaa waxaa ku soo laalaabtay dilal, qaraxyo iyo weeraro ka dhacay goobo kala duwan kuwaasoo ay ku dhinteen kuna dhaawacmeen dad fara badan oo isugu jiray shacab iyo ciidan, mana jiro war ku saabsan weerarkii xalay oo ka soo baxay saraakiisha Booliska dalkaasi.
Falalkan noocan ah ayaa ka bilowday dhamaan qaar ka tirsan gobolada ay soomalidu ka dagto wadanka kenya taas oo sabab looga dhigayaa kaadib markii cutubyo ka tirsan ciidamada kenya ay gudaha u galeen soomaliya.
Saylicipress.net/Nairobi.
Barnaamijyada Idaacadda 04:00 GMT
Sida loo dhagaysto
Home: Saylicipress.Com 