Xukuumadii wadaaga ahay ee wadanka Holland ee uu soo dhisay raysal wasaare Mark Rutte oktoober 2010 ayaa dhacday ka dib markii uu ka baxay xisbiga mayalka adag ee lagu magacaabo PVV ee uu hogaamiyo Geert Wilder.
21 april 2012 ayaa raysal wasaare Rutte cadeeyay in wada hadal socday ilaa 2 bilood oo ay kula jireen Geerd wilder ay ku guuldaraysteen in ay soo saaraan heshiis mideysan oo ay kudhameeyaan hawlaha u yaala dawlada oo ah gunti giijiska dhaqaalaha iyo dulsaarka cashuurta yurub oo laga dhigay 3% .
Hadaba heshiisyo hordhaca oo ay isla gaadhay laba xisbi ee ugu waaweyn dawlada PVV iyo CDA ayaa waxay u cuntami waayeen Geert Wilders oo ku dooday inay dhibaato ku tahay dadka waaweyn ee qaata lacagta hawl gabka ee wadanka sidaasna kaga baxay dawladii wadaaga ahayd.
Sidaa darteed ayaa maalintii salaasadii ee 23 april uu raysal wasaare Rutte kulan la yeeshay boqorada wadanka si uu uga war galiyo goaankiisa dhicida dawlada iyo kala daadinta golaha loo yaqaan Tweede Kamer iyaduna taas waa kuqanacday in lakala diro golaha doorashana loo dareero .
Inkasta oo xisbiyada qaar kudoodeen in doorashooyin la qabto bishan lixaad ayaa waxa hadda la isku raacay in doorashooyinka loo dareeri doono 12 september 2012.
Barnaamijyada Idaacadda 04:00 GMT
Sida loo dhagaysto
Home: Saylicipress.Com 